ആലപ്പുഴ ജില്ലയിലെ കായംകുളത്തിന് പടിഞ്ഞാറ് ഏകദേശം 4 കിലോമീറ്റർ അകലെയുള്ള ദേവികുളങ്ങര ഗ്രാമത്തിലാണ് പുരാതനമായ ദേവികുളങ്ങര ഭഗവതി ക്ഷേത്രം സ്ഥിതി ചെയ്യുന്നത്. ക്ഷേത്രത്തിന് ഏകദേശം 800 വർഷത്തിലധികം പഴക്കമുണ്ടെന്നാണ്വിശ്വാസം. പ്രധാന പ്രതിഷ്ഠഭദ്രകാളി ദേവിയാണ്പ്രാദേശിക ഐതിഹ്യങ്ങൾ പ്രകാരം, ദേവികുളങ്ങര പ്രദേശത്തിന് പേര് ലഭിച്ചത് ദേവി പ്രത്യക്ഷപ്പെട്ടിരുന്ന ഒരു കുളവുമായി ബന്ധപ്പെട്ടാണ്. കായംകുളം രാജവംശവുമായി ക്ഷേത്രത്തിന് ചരിത്രപരമായ ബന്ധമുണ്ടെന്നും, ഭഗവതി കായംകുളം രാജാക്കന്മാരുടെ ആരാധ്യദേവതയായിരുന്നുവെന്നുമുള്ള വിശ്വാസം പ്രദേശവാസികൾക്കിടയിൽ നിലനിൽക്കുന്നു.ക്ഷേത്രത്തിൽ ഭഗവതിക്കു പുറമെ പരമശിവൻ, മഹാഗണപതി, യക്ഷിയമ്മ, നാഗരാജാവ്, നാഗയക്ഷി, യോഗീശ്വരൻ തുടങ്ങിയ ഉപദേവതകളെയും ആരാധിക്കുന്നു.
പ്രധാന ഉത്സവങ്ങൾ
മീനമാസത്തിലെ അശ്വതി നാളിൽ നടക്കുന്ന ഭഗവതിയുടെ ഉത്സവം ക്ഷേത്രത്തിലെ പ്രധാന ആഘോഷമാണ്.
ഉത്സവത്തോടനുബന്ധിച്ച് പ്രത്യേക പൂജകളും ആചാരാനുഷ്ഠാനങ്ങളും നടക്കുന്നു.
സമീപപ്രദേശങ്ങളിൽ നിന്നുള്ള നിരവധി ഭക്തർ ഈ അവസരത്തിൽ ക്ഷേത്രത്തിലെത്തുന്നു.
